युनिक अकॅडमी आणि साद फाउंडेशन सिंधुदुर्गच्यावतीने छ.शिवरायांची जयंती साजरी साजरी
कणकवली (प्रतिनिधी) : छ. शिवाजी महाराजांचे आदर्शवत जीवन समोर ठेवून आपण जगलो तर कुठलेही गैरप्रकार घडणार नाहीत विचार करा केवळ 50 वर्षात छ.शिवाजी महाराजांनी केलेल्या कार्यामुळे आपण एवढी प्रगती केली, महाराजांना अजून आयुष्य मिळाले असते तर प्रत्येक व्यक्तीच्या आयुष्याचे सोने झाले असते महाराजांच्या कार्याचा आदर्श ठेवून विद्यार्थ्यांनी अभ्यास केल्यास प्रगती नक्की होणारच असे मौलिक विचार साद फाउंडेशन अध्यक्षा व प्रशासकीय अधिकारी कुडाळ, नगरपंचायत गितांजली नाईक यांनी ‘साद फाउंडेशन आणि युनिक अकॅडमी सिंधुदुर्ग’ आयोजित छ.शिवाजी महाराज यांच्या जयंती निमित्त आयोजित कार्यक्रमात बोलताना व्यक्त केले.
यावेळी, साद फाउंडेशन सिंधुदुर्ग च्या अध्यक्षा गितांजली नाईक , खजिनदार गौरेश नाईक, तसेंच माधव सर आणि युनिकचे विद्यार्थी उपस्थित होते.
यावेळी छ.शिवरायांना साद चे खजिनदार गौरेश नाईक यांच्या हस्ते पुष्पहार अर्पण करण्यात आला.तर सर्व विद्यार्थ्यांनी छ. शिवाजी महाराज यांच्या कार्यकर्तृत्त्वावर भाषणे केली.
