तळेरे (प्रतिनिधी) : इंडियन टॅलेंट सर्च परीक्षा अर्थात आयटीएस स्पर्धा परीक्षेत कासार्डे माध्यमिक व उच्च माध्यमिक विद्यालयाचा इयत्ता सहावी मधील विद्यार्थी गंधार सुशांत मुणगेकर याने ३०० पैकी २९२ गुणांसह राज्यात तिसरा क्रमांक पटकाविला आहे,तर याच परीक्षेत इयत्ता पाचवी मधील कु.सिया वैजू पाटील हिने २३८ गुणासह केंद्रात दुसरी येण्याचा मान पटकाविला आहे.
या यशस्वी विद्यार्थ्यांना पालकांचे तसेच वर्गशिक्षकांचे मार्गदर्शन लाभले असून या दोन्ही गुणवंत विद्यार्थ्यांचा प्रशालेचे मुख्याध्यापक एन.सी. कुचेकर,पर्यवेक्षक एस.डी.भोसले यांनी पुष्पगुच्छ देऊन अभिनंदन केले.याप्रसंगी सर्व शिक्षक शिक्षकेतर कर्मचारीवर्ग व विद्यार्थीवृंद उपस्थित होते.
या गुणवंत विद्यार्थ्यांचे संस्थेचे सर्व पदाधिकारी तसेच मुख्याध्यापक व पर्यवेक्षक,शिक्षक,शिक्षकेतर कर्मचाऱ्यांना अभिनंदन करुन शुभेच्छा दिल्या आहेत दोन्ही गुणवंत विद्यार्थ्यांचे सर्व स्तरातून कौतुक होत आहे.
