चौके (प्रतिनिधी) : चौके वावळ्याचे भरड येथील माजी सैनिक परशुराम उर्फ तातू गावडे यांच्या पत्नी विजया यांचे अल्पशा आजाराने मंगळवारी सकाळी राहत्या घरी दुःखद निधन झाले. त्यांच्या पश्चात पती, मुलगा,चार मुली,सून,जावई, नातवंडे, पुतणे असा परिवार आहे. विजया या चौके येथील माजी सैनिक परशुराम गावडे यांच्या पत्नी तसेच मालवण भारत गॅस चे कर्मचारी अनंत गावडे यांच्या मातोश्री होत्या व चौके येथील चिरेखाण व्यवसायिक बिजेंद्र गावडे, दत्ता गावडे तसेच प्रहार चे पत्रकार नितीन गावडे यांच्या काकी होत्या. मंगळवारी दुपारी चौके येथील स्मशानभूमीत अंत्यसंस्कार करण्यात आले. यावेळी चौके गावाच्या वतीने एकत्रित श्रद्धांजली वाहण्यात आली.
