खारेपाटण (प्रतिनिधी) : खारेपाटण पंचक्रोशी शिक्षण प्रसारक मंडळ संचलित शेठ न. म. विद्यालय खारेपाटणचे माजी विद्यार्थी नामदेव रामदास गुळेकर,(असिस्टंट अकाउंट मॅनेजर,कामगार ग्रुप ऑफ कंपनी) यांनी खारेपाटण हायस्कूल व ज्युनियर कॉलेजला नुकतीच सदिच्छा भेट दिली.यावेळी खारेपाटण हायस्कूलचे मुख्याद्यापक संजय सानप यांनी त्यांचे पुष्पगुच्छ देऊन स्वागत केले.
नामदेव गुळेकर हे खारेपाटण हायस्कूल मधील इयत्ता दहावी च्या सन 1994 बॅचमधील विद्यार्थी असून सध्या मुंबई येथील आर के अँड कंपनी घाटकोपर येथे असिस्टंट अकाउंट मॅनेजर या पदावर कार्यरत आहेत. गुळेकर यांनी याप्रसंगी विविध विषयांची ५० पुस्तके प्रशालेचे प्राचार्य संजय सानप यांच्याकडे सुपूर्द केली. भविष्यात स्पर्धा परीक्षांसाठी लागणारी विविध पुस्तके देखील प्रशालेस भेट देण्याचा मानस त्यांनी यावेळी व्यक्त केला. दरम्यान प्रशालेच्या परिसराची व प्रशालेच्या इमारतीचीही त्यांनी पाहणी केली.
याप्रसंगी प्रशालेचे प्राचार्य संजय सानप,पर्यवेक्षक संतोष राऊत सिनियर कॉलेज प्राचार्य ए डी कांबळे सर, व प्रशालेतील शिक्षक वर्ग उपस्थित होते. गुळेकर यांनी प्रशालेस भेट दिल्याबद्दल खारेपाटण पंचक्रोशी शिक्षण प्रसारक मंडळाचे अध्यक्ष प्रवीण लोकरे, उपाध्यक्ष भाऊ राणे,सचिव महेश कोळसुलकर यांनी आभार मानले.
