देवगड (प्रतिनिधी) : देवगड तालुका व्यापारी पर्यटन संस्थेच्यावतीने देवगड बीचवर पतंग महोत्सव साजरा करण्यात आला.
पतंग महोत्सवाचे उद्घाटन कोल्हापूर येथील पतंगप्रेमी बाबासाहेब महाडिक यांच्या हस्ते करण्यात आले.
यावेळी देवगड तालुका व्यापारी पर्यटन संस्थेचे अध्यक्ष हनि\ मेमन, उपाध्यक्ष श्रीपाद पारकर, देवगड तालुका व्यापारी संघाचे अध्यक्ष शैलेश कदम, मधुकर नलावडे, संजय धुरी,मिलींद मोहिते,संजय सोमण,मिलींद मोर्ये, अजित टाककर, दयानंद पाटील, द्विगविजय कोळंबकर, नीलरत्न मालंंडकर, मिलींद खडपकर, लहरीकांत पटेल, शिवप्रसाद पेडणेकर, बंटी कदम आदी पदाधिकारी, व्यापारीवर्ग, पतंगप्रेमी उपस्थित होते.
श्रीफळ वाढवुन बाबासाहेब महाडिक यांनी कार्यक्रमाचा शुभारंभ केला.पतंग उडविण्यासाठी पालकवर्गासह छोट्या मुलांनीही देवगड बीचवर गर्दी केली होती.विविध आकाराचे पतंग आकाशात उडत असल्याने आकाश रंगीबेरंगी झाले होते.
पतंग महोत्सव पाहण्यासाठी व पतंग उडविण्याचा आनंद लुटण्यासाठी मोठ्या प्रमाणात नागरिकांनी उपस्थिती लावली होती.
