कणकवली तालुकास्तरीय शालेय कॅरम चॅम्पियनशीप पुन्हा एकदा कनेडी हायस्कूलकडे
कणकवली (प्रतिनिधी) : तालुकास्तरीय शालेय कॅरम स्पर्धा सन २०२६ नुकतीच कनेडी हायस्कूल येथे संपन्न झाली. या स्पर्धेवर कनेडी गट शिक्षण प्रसारक मंडळ, मुंबई संचलित माध्यमिक विद्यामंदिर कनेडी, मोहनराव मुरारीराव सावंत ज्युनि. काॅलेज ऑफ आर्ट्स ॲण्ड काॅमर्स,तुकाराम शिवराम सावंत ज्युनि. कॉलेज ऑफ सायन्स व बालमंदिर कनेडी या प्रशालेने दरवर्षी प्रमाणे आपले वर्चस्व राखले व पुन्हा एकदा चॅम्पियनशीप स्वतःकडेच राखली. सदर स्पर्धेमध्ये तालुक्यातील एकूण २२० पेक्षा जास्त कॅरम खेळाडूंनी सहभाग घेतला होता. सदर स्पर्धेमध्ये प्रशालेतील यशस्वी विद्यार्थी खालील प्रमाणे –
१४ वर्षाखालील मुली –
मीरा मकरंद आपटे इ. ८वी (प्रथम क्रमांक)
१४ वर्षांखालील मुले
गंधर्व जनार्दन जाधव इ. ७वी (तृतीय क्रमांक)
१७ वर्षाखालील मुली-
कु. मुक्ती अमृत भातकांडे इ. १०वी (प्रथम क्रमांक), कु. दिव्या नंदकिशोर चव्हाण इ. १०वी (तृतीय क्रमांक), कु. प्रांजल तुळशीदास नेटके इ. ९वी (तृतीय क्रमांक)
१९ वर्षाखालील मुली-
कु. श्रेया राजेंद्र महाडीक इ. १२वी (प्रथम क्रमांक), कु. लक्ष्मी भिमा जाधव इ. १२वी ( द्वितीय क्रमांक), कु. दिशा गणपत पवार इ. १२वी (तृतीय क्रमांक), कु. ऋतुजा दिपक पेडणेकर इ. १२वी (तृतीय क्रमांक)
१९ वर्षाखालील मुले –
सम्यक सुनिल कांबळे इ. १२वी (द्वितीय क्रमांक), जयदीप अर्जुन कदम इ. १२वी (तृतीय क्रमांक), अभिषेक संतोष माने इ. १२वी (तृतीय क्रमांक)
वरील सर्व यशस्वी विद्यार्थ्यांची जिल्हा क्रीडा संकुल सिंधुदुर्गनगरी येथे होणार असलेल्या जिल्हास्तरीय शालेय कॅरम स्पर्धेसाठी निवड झाली आहे. या स्पर्धेचे उद्घाटन क. ग. शि. प्र. मंडळ, मुंबईचे संचालक जयप्रकाश सावंत, खजिनदार प्रकाश सावंत, माध्यमिक विद्यामंदिर कनेडीचे शालेय समिती चेअरमन आर्. एच्. सावंत यांच्या प्रमुख उपस्थितीत झाले. या स्पर्धेसाठी मुख्य पंच म्हणून प्रशालेचे संस्कृत अध्यापक मकरंद आपटे व तालुका कॅरम असोसिएशनचे पदाधिकारी व प्रसिद्ध कॅरम खेळाडू गौतम यादव यांनी काम पाहिले.
सर्व यशस्वी विद्यार्थ्यांचे क.ग.शि.प्र. मंडळ मुंबईचे अध्यक्ष सतीश सावंत व सर्व संस्था पदाधिकारी, शालेय समिती चेअरमन आर्. एच्. सावंत व सर्व सदस्य, प्रशाला मुख्याध्यापक तथा प्राचार्य सुमंत दळवी, पर्यवेक्षक बयाजी बुराण, सर्व शिक्षक व शिक्षकेतर कर्मचारी आणि विद्यार्थी यांनी अभिनंदन केले व पुढील वाटचालीसाठी शुभेच्छा दिल्या.
सर्व यशस्वी विद्यार्थ्यांना प्रशालेतील संस्कृत व इंग्रजी शिक्षक तसेच कॅरम पंच मकरंद आपटे, जिल्ह्यातील प्रसिद्ध खेळाडू गौतम यादव आणि क्रीडा शिक्षक बयाजी बुराण यांचे मार्गदर्शन लाभले.
