१ नोव्हेंबर रोजी कॅम्पचे आयोजन
खारेपाटण (प्रतिनिधी) : खारेपाटण पंचक्रोशी शिक्षण प्रसारक मंडळ खारेपाटण संचलित शेठ नवीनचंद्र मफतलाल विद्यालयात तहसील कार्यालय कणकवली यांच्या वतीने उद्या बुधवार दि.१/११/२०२३ रोजी नविन मतदार नोदणी तसेच पदवीधर मतदार संघ नोदणी विशेष कँम्पचे आयोजन करण्यात आले असून याचा फायदा शालेय विद्यार्थी महाविद्यालयीन युवक व नागरिकांनी घ्यावा.असे आवाहन खारेपाटण हायस्कूल चे मुख्याद्यापक संजय सानप यांनी केले आहे.
ज्यांचे वय १८ वर्ष पूर्ण आहे अशा नवीन मतदार युवकांनी मतदार यादीत नाव समाविष्ट करण्यासाठी पासपोर्ट साइज् फोटो, आधारकार्ड, रेशनकार्ड,घरपत्रक उतारा शाळा सोडल्याचा दाखला /जन्म दाखला इत्यादी कागदपत्र घेऊन यावेत. तर कोकण पदवीधर मतदार संघात नोदणी करण्यासाठी ज्यांनी सन – २०२० पूर्वी पदवी धारण केली आहे असे पदवीधारक यामध्ये नाव नोदवू शकतात.तरी यासाठी आधार कार्ड, पॅनकार्ड,मतदान कार्ड,रेशन कार्ड, पदवी प्राप्त गुणपत्रक किंवा प्रमाणपत्र इत्यादी कागदपत्रे आवश्यक आहेत.
कणकवली तहसील कार्यालयाच्या वतीने खारेपाटण हायस्कूल मध्ये दि.१/११/२०२३ रोजी सकाळी १०.३० ते सायं.४.०० या वेळात मतदार नोदणी करण्यात येणार असून याचा लाभ खारेपाटण सह पंचक्रोशीतील नागरिकांनी व युवकांनी घ्यावा असे आवाहन निवडणूक निर्णय अधिकारी कार्यालयाच्या वतीने करण्यात येत आहे.
