अनेकांच्या घरात पाणी घुसले , शिवापूर बंधारा गेला वाहून
आचरा (प्रतिनिधी) : सोमवारी रात्री ढगफूटी सदृश्य कोसळणारया मुसळधार पावसामुळे आचरा परीसराला चांगलेच झोडपले. गाऊडवाडी, हिर्लेवाडी, चिंदर सडेवाडी परीसर जलमय झाल्यामुळे अनेकांच्या घरात पाणी घुसल्याने काहींना स्थलांतरित व्हावे लागले.हिर्लेवाडी गाऊडवाडी परीसरात सकाळी उशिरापर्यंत रस्त्यावर पाणी साचून राहिल्याने वाहतूकीस अडथळा निर्माण झाला होता. पाण्याचा वेग एवढाहोता की शिवापूर बंधारयाला याचा फटका बसून मधला भाग वाहून गेल्याने दोन भाग झाले आहेत.त्यामुळे याभागातल शेतीला धोका निर्माण झाला आहे. सोमवारी रात्री ची स्थिती ही तौक्ते सारखी निर्माण झाली होती.
आचरे ,चिंदर सडेवाडी भागात सोमवारी सायंकाळी सुरु झालेल्या मुसळधार पावसाने चांगलेच झोडपले. यामुळे गाऊडवाडी भागात ग्रामपंचायत परीसर पुर्णतः जलमय बनला होता. हिर्लेवाडी भागालाही याचा फटका बसला.सायंकाळी साडेसात पासून पाणी वाढू लागल्याने ग्रामस्थ भितीच्या छायेखाली गेले होते. रात्री पाण्याचा वेग वाढत होता.रस्त्यावर तीन फुटाच्या वर पाणी वाढले होते. हिर्लेवाडी येथील शिवा पूर बंधारयाही याचा फटका बसला.
आचरा गाऊडवाडी येथील सायमंड फर्नाडीस जाकारीयस फर्नाडीस (गुरुजी) बेन्तु फर्नाडीस सिल्वेस्टर फर्नाडीस पीटर फर्नाडीस,साल्वादर मिरीन्डा लँन्सी फर्नाडीस आदिसह सर्व ख्रिचनवाडी तील घरात पाणी घुसल्याने येथील काहींनी लगतच्या स्लॅब च्या घराचा आसरा घेतला होता. तर काहींना काझीवाडा वाचनालयांत हलविण्यात आले होते. गाऊडवाडी येथील माजी उपसरपंच अनिल करंजे ,ग्रामपंचायत कार्यालय आचरा च्या दरवाजापर्यत रात्री पाणी आले होते. आचरा हिर्लेवाडी येथे पुरुषोत्तम पेडणेकर गोरखनाथ पेडणेकर अश्विन हळदणकर राजू पेडणेकर ,तळीराम पेडणेकर माजी उपसरपंच पाडूरंग वायंगणकर याच्या घरात पाणी गेले होते.
यामुळे घरातील अन्न धान्य भिजून गेल्याने मोठे नुकसान झाले आहे. वायंगणकर यांचे दगडी कंपाऊंड ही कोसळून नुकसान झाले आहे. हिर्लेवाडी ब्राम्हणदेव मंदिर परीसर देखील जलमयझाला होता.चिंदर सडेवाडी भागाला फटका मुसळधार पावसाने चिंदर सडेवाडी परीसराला ही फटका बसला. येथील बच्चू सद्गुरु यांच्या गाड्यामध्येही पाणी घुसल्याने गाड्यांचे मोठे नुकसान झाले आहे. तर सुधीर मसुरकर,मोहन गोलतकर,उल्हास,वनिता वराडकर यांच्या घरात पाणी घुसले होते. यात मसुरकर व्यतिरिक्त अन्य घरे बंद असल्याचे समजते. याबाबत मंगळवारी मंडल अधिकारी अजय परब,तलाठी संतोष जाधव, पोलीस पाटील जगन्नाथ जोशी यांनी घटनास्थळी भेट देत पहाणी केली.
