विविध मनोरंजनात्मक कार्यक्रमांसोबत यशस्वी महिलांचा करण्यात आला सत्कार
कुडाळ (प्रतिनिधी) : 8 मार्च जागतिक महिला दिवस ग्रामपंचायत नाणोस तसेच श्री देव वेतोबा ग्रामसंघ यांच्या संयुक्त विद्यमाने मोठ्या उत्साहात नाणोस गाव खेळ पैठणीचा तसेच विविध खेळ आणि मनोरंजन कार्यक्रम तसेच जेष्ठ महिला, गावातील उद्योजिका, यशस्वी मुली यांचे सत्कार समारंभ असा बहारदार सोहळा पंचक्रोशीतील महिला सरपंच आणि महिलांच्या उपस्थितीत मोठ्या उत्साहात संपन्न झाला.
क्रांतीवीर सावित्रीबाई फुले यांच्या प्रतिमेस पुष्पहार आणि द्विपप्रज्वलनाने कार्यक्रमाची सुरवात करण्यात आली. यावेळी शाळेतील मुलांनी ईशस्तवन आणि ग्रामसंघाच्या महिलांनी स्वागतगीत सादर केले. कार्यक्रमास मान्यवर म्हणून तिरोडा गावच्या सरपंच प्रियांका सावंत, भोमवाडी सरपंच विद्या वराडकर (वाडकर), धाकोरा सरपंच स्नेहा मुळीक, चोडणकर, नेवगी, शेणई या उपस्थित होत्या.
कार्यक्रमाचे सुत्रसंचालन आणि प्रास्ताविक ग्रामपंचायत सदस्य सागर नाणोसकर यांनी केले. अध्यक्षीय मनोगत नाणोस सरपंच प्राजक्ता शेट्ये तर ग्रामसेवक करंगुटकर यांनी मनोगत व्यक्त केले. मान्यवरांचे स्वागत ग्रामपंचायत उपसरपंच अमिता नाणोसकर, संध्या नाणोसकर, श्रीपाद ठाकुर, विनायक शेट्ये, रसिका जोशी, सानिका शेट्ये यांनी केले. ग्रामपंचायत सरपंच, उपसरपंच, कर्मचारी यांचे स्वागत श्रीदेव वेतोबा ग्रामसंघ यांचे पदाधिकारी नयन कांबळी, रतिष्मा शेट्ये, सुप्रिया गोडकर यांनी केले.
नाणोस गाव खेळ पैठणीचा तसेच मनोरंजनाचे कार्यक्रम युसूफअली आवटी यांनी आपल्या सुरेख कौशल्याने संपन्न करुन या पैठणीचा आणि संगीत खुर्ची विजेता घोषित केला. तदनंतर मान्यवरांच्या हस्ते विजेत्यांना पैठणी आणि सत्कार सोहळा संपन्न झाला. जेवण व्यवस्था संजय नाणोसकर, दादा पालयेकर, चंद्रकांत शेट्ये, अरुण नाणोसकर, नाना कांबळी यांनी केली. कार्यक्रमाची छायाचित्र अशोक नाईक तर मंडप व्यवस्था चेतन भगत यांनी केली.
खेळीमेळीच्या या सोहळ्यास करंगुटकर, माजी सरपंच बाळकृष्ण जोशी, गुरव, परब, मिलिंद नाणोसकर, शारदा जोशी, प्रदीप परब, रघुनाथ जोशी, दाजी तळकर, नाणोस युवा मित्र मंडळ, विविध मान्यवर, महिला भगिनी मोठ्या संख्येने उपस्थित होत्या.
