प्रथम पारितोषिक 1,111111 रु. व आकर्षक चषक
खासदार नारायण राणे, पालकमंत्री रवींद्र चव्हाण,आमदार नितेश राणेंची उपस्थिती
वैभववाडी (प्रतिनिधी) : भारतीय जनता पार्टी वैभववाडीच्या वतीने मंगळवार दिनांक 27 ऑगस्ट रोजी आमदार नितेश राणे पुरस्कृत दहीहंडी उत्सव साजरा करण्यात येणार आहे. दहीहंडी चे प्रथम पारितोषिक एक लाख 11 हजार एकशे अकरा रुपये व आकर्षक चषक देण्यात येणार आहे.तर सहभागी होणाऱ्या गोविंदा पथकाला रोख रक्कम व सन्मानचिन्ह देऊन गौरविण्यात येणार आहे. तसेच प्रेक्षकांच्या मनोरंजनासाठी आर्केस्ट्रा तुफान आयोजित केला आहे.
या कार्यक्रमाला खासदार नारायण राणे, पालकमंत्री रवींद्र चव्हाण, आमदार नितेश राणे, भाजपा जिल्हाध्यक्ष प्रभाकर सावंत,माजी आमदार प्रमोद जठार यांच्यासह रत्नागिरी सिंधुदुर्ग जिल्ह्यातील भाजपा पदाधिकारी उपस्थित राहणार आहेत.या दहीहंडी उत्सवात जिल्ह्यातील तसेच जिल्ह्याबाहेरील गोविंदा पाथकांनी सहभाग घ्यावा. तसेच बाळ गोपाळ व रसिक प्रेक्षकांनी या उत्सवाचा लाभ घ्यावा. असे आवाहन वैभववाडी तालुका भाजपा अध्यक्ष सुधीर नकाशे यांनी केली आहे.
