खारेपाटण (प्रतिनिधी) : उद्धव बाळासाहेब ठाकरे शिवसेना पक्षाच्या जिल्हाध्यक्ष पदी नुकतीच नव्याने निवड झालेले शिवसेना नेते सतीश सावंत तसेच शिवसेना खारेपाटण – तळेरे विभागप्रमुख म्हणून नुकतीच निवड झालेले एकनाथ कोकाटे यांचा
खारेपाटण – तळेरे शिवसेना विभागाच्या वतीने जाहीर सत्कार कार्यक्रम खारेपाटण हायस्कूलच्या सभागृहात संपन्न झाला. या कार्यक्रमाला कणकवली तालुकाध्यक्ष शैलेश भोगले, उपतालुका प्रमुख महेश उर्फ गोट्या कोळसुलकर, उपविभग प्रमुख शिवाजी राऊत, शिवसेना ज्येष्ठ कार्यकर्ते मधुकर वळंजू, अनंत गांधी, बाळा शेट्ये, प्रकाश नर, साळीस्ते गावचे सरपंच प्रभाकर ताम्हणकर, शिवसेना महिला विभाग प्रमुख अंजली मेस्त्री, वारगाव माजी सरपंच बापू नर, युवा सेना विभाग प्रमुख तेजस राऊत, प्रज्योत मोहिरे, शाखा प्रमुख गिरीश पाटणकर आदी मान्यवर पदाधिकारी व कार्यकर्ते उपस्थित होते.
यावेळी नवनिर्वाचित शिवसेना सिंधुदुर्ग जिल्हाध्यक्ष सतीश सावंत यांचा सत्कार साळीस्ते गावचे सरपंच प्रभाकर ताम्हणकर गुरूजी यांच्या शुभहस्ते शाल, श्रीफळ व पुष्पगुच्छ देऊन करण्यात आला. तर भाजप पक्षातून नुकतेच शिवसेना पक्षात प्रवेश केलेले वारगावचे कार्यकर्ते एकनाथ कोकाटे यांची शिवसेना पक्षाच्या खारेपाटण – तळेरे विभाग प्रमुख पदी निवड झाल्याबद्दल या कार्यक्रमात त्यांचा जिल्हाध्यक्ष सतीश सावंत यांच्या शुभहस्ते विशेष सत्कार करण्यात आला.
यावेळी जिल्हाध्यक्ष सतीश सावंत यांनी उपस्थित कार्यकर्त्यांना मार्गदर्शन करताना सांगितले की, प्रत्येक शिवसेना कार्यकर्ते यांनी गावागावात पक्ष संघटना वाढीसाठी सहकार्य करावे व हिंदुहृदसम्राट बाळासाहेब ठाकरे यांचे स्वप्न पूर्ण करण्यासाठी सर्वांनी एकत्रितपणे काम करूया. यासाठी जिल्हाध्यक्ष म्हणून मी आपल्या नेहमी पाठीशी असेन, असे आवाहन सतीश सावंत यांनी शिवसेना कार्यकर्त्यांना केले. यावेळी खारेपाटण – तळेरे विभागातील शिवसेना कार्यकर्ते मोठ्या संख्येने उपस्थित होते.
