खारेपाटण (प्रतिनिधी) : साई सेवा शिक्षण प्रसारक मंडळ भिवंडी संचालित महादेव बाबुराव चौघुले महाविद्यालय, भिवंडी, जिल्हा ठाणे मधील तृतीय वर्ष कला शाखेतील विद्यार्थ्यांनी भूगोल अभ्यास सहलीनिमित्त सिंधुदुर्ग जिल्ह्यातील शेठ न.म.विद्यालय खारेपाटण प्रशालेला नुकतीच सदिच्छा भेट दिली. याप्रसंगी विद्यार्थ्यांसोबत आलेले कॉलेजचे मार्गदर्शक प्राध्यापक रवींद्र काकडे, प्रा. अभिषेक शिंदे व प्राध्यापिका प्रणाली माणकर इत्यादी उपस्थित होते.
भूगोल अभ्यास दौरा करण्यासाठी आलेल्या सर्व विद्यार्थी व प्राध्यापकांनी आपण खारेपाटण हायस्कूल ला भेट दिल्यामुळे भारावून गेलो असल्याच्या प्रतिक्रिया व्यक्त केल्या याप्रसंगी खारेपाटण हायस्कूल व ज्युनियर कॉलेजचे प्राचार्य संजय सानप, पर्यवेक्षक संतोष राऊत सर व प्रशालेतील शिक्षकवृंद यांनी भगोल अभ्यास सहली निमित्त आलेल्या भिवंडी, ठाणे येथील महादेव बाबुराव चौगुले महाविद्यालयाच्या सर्व विद्यार्थ्यांचे व प्राध्यापक वर्गाचे स्वागत केले. व पुढील शैशनिक वाटचालीस शुभेच्छा दिल्या.
