कणकवली (प्रतिनिधी) : लायन्स इंटरनॅशनल लायन्स क्लब ऑफ पुणे, आकुर्डी यांच्या माध्यमातून माध्यमिक विद्यामंदिर कनेडी या प्रशालेतील २१ विद्यार्थीनींना मोफत सायकल प्रदान करण्यात आल्या. आपल माध्यमिक शिक्षण पूर्ण झाल्यानंतर त्या सायकल इतर गरजू विद्यार्थीनींना द्याव्यात असा लायन्स क्लब चा उद्येश आहे.
यावेळी लायन्स क्लब ऑफ पुणे आकुर्डी चे अध्यक्ष बाबुराव सागावकर यांनी संस्थेच्या एकूणच प्रगतीचे कौतुक केले. विद्यार्थ्यांशी हितगुज करताना सागावकर म्हणाले की विदयार्थ्यांना शिक्षकांची आदरयुक्त भीती असावी असे प्रतिपादन केले.याप्रसंगी लायन्स क्लब ऑफ पुणे, आकुर्डी चे अध्यक्ष बाबुराव सागावकर, खजिनदार लायन्स,निलेश चोपडे,डोनर शिवाजी वाघ,शामराव धोत्रे, चिपळूण येथील उद्योजक संजय साळवी, त्यांच्या माध्यमातून या सायकल प्रशालेला मिळाल्या ते भिरवंडे गावचे सुपुत्र इंटरनॅशनल बिझनेस कोच विनय सावंत,त्यांच्या प्रयत्नातून या सायकल मिळाल्या ते संस्थेचे सरचिटणीस शिवाजी सावंत, कनेडी गट शिक्षण प्रसारक मंडळाचे अध्यक्ष सतीश सावंत, संचालक व्ही.बी.सावंत, शालेय समितीचे चेअरमन आर. एच.सावंत,प्रशालेचे मुख्याध्यापक तथा प्राचार्य सुमंत दळवी, पर्यवेक्षक बयाजी बुराण, शिक्षक शिक्षकेतर कर्मचारी, विद्यार्थी व पालक मोठ्या संख्येने उपस्थित होते.
