खुल्या रेकॉर्ड डान्स स्पर्धेचे आयोजन
बांदा (प्रतिनिधी) : मडूरा येथील छत्रपती शिवप्रेमी व्हाट्सअँप ग्रुपतर्फे गुरुवार १९ फेब्रुवारी रोजी शिवजयंती सोहळा साजरा होत आहे. त्यानिमित्ताने दिवसभर विविध कार्यक्रम आयोजित करण्यात आले आहेत. संध्याकाळी खुली रेकॉर्ड डान्स स्पर्धा होईल.
सकाळी ९ वाजता छत्रपतींच्या मूर्तीची भव्य मिरवणूक होईल. त्यानंतर प्राणप्रतिष्ठा, शिवपूजन व दीप पूजन होईल. सायंकाळी ६ वाजता महिलांची फुगडी होईल. ७ वाजता भव्य खुली रेकॉर्ड डान्स स्पर्धा होईल. यासाठी प्रथम पारितोषिक ५ हजार ५५५ रुपये व चषक आणि द्वितीय ३ हजार ३३३ रुपये व चषक ठेवण्यात आले आहेत.
सदर स्पर्धा श्री माऊली मंदिर रंगमंचावर संपन्न होईल. स्पर्धेच्या अधिक माहितीसाठी प्रवीण उर्फ पिंटो परब (९४०४७५९२१६) या क्रमांकावर संपर्क साधावा, असे आवाहन आयोजकांकडून करण्यात आले आहे.
