खारेपाटण (प्रतिनिधी) : संभाजी नगर गुरववाडी विकास मंडळ खारेपाटण. (रजि.) मुंबई या मंडळाच्या वतीने खारेपाटण आठवडा बाजार श्री देव कालभैरव मंदिर मैदानवर भरविण्यात आलेल्या भव्य खुल्या मर्यादित षकटकांच्या ओहर आर्म टेनिस बॉल क्रिकेट स्पर्धेच्या शुभारंभ आज खारेपाटण सरपंच प्राची इस्वलकर यांच्या शुभहस्ते फित कापून करण्यात आला.
स्पर्धेच्या उद्घाटन समारंभ कार्यक्रमाला भाजप शक्तीकेंद्र प्रमुख सूर्यकांत भालेकर,खारेपाटणचे माजी सरपंच रमाकांत राऊत, माजीउपसरपंच इस्माईल मुकादम,खारेपाटण ग्रा.प.सदस्य किरण कर्ले,मनाली होनाळे, शितीजां धुमाळे,दक्षता सुतार,धनश्री ढेकणे,सामाजिक कार्यकर्ते महेश कोळसुलकर,संकेत शेट्ये,मंगेश गुरव,संतोष पाटणकर,विरेंद्र चिके आदी मान्यवर उपस्थित होते.
संभाजी नगर गुरववाडी विकास मंडळ खारेपाटण आयोजित या क्रिकेट स्पर्धा सलग ४ दिवस चालणार असून या अंतिम विजेता संघाला रोख रुपये ५१,१५१/- व आकर्षक चषक तर उपविजेता संघाला रोख रुपये २५५०१/- व आकर्षक चषक बक्षीस देण्यात येणार आहे.तसेच उत्कृष्ट फलंदाज,गोलंदाज,शेत्ररशक व मालिकावीर आणि सामनावीर यांना आकर्षक चषक देऊन गौरविण्यात येणार आहे.या बरोबरच प्रत्येक सामन्याच्या मँन ऑफ दि मॅच खेळाडूला मंडळाच्या वतीने टीशर्ट भेट देण्यात येणार आहे.
संभाजी नगर गुरववाडी विकास मंडळ खारेपाटण या मंडळाचे कार्यवाह तसेच खारेपाटण उपसरपंच महेंद्र गुरव यांच्या वतीने उपस्थित सर्व मान्यवरांचे पुष्पगुच्छ देऊन स्वागत करण्यात आले.मंडळाचे कार्यकर्ते शरद गुरव, विश्वास गुरव,सुहास गुरव तसेच सभासद मोठ्या संख्येने उपस्थित होते. तर या स्पर्धेचा अंतिम सामना दी.३१ जानेवारी २०२३ रोजी दुपारी ३.३० वाजता खारेपाटण येथील श्री देव कालभैरव मैदानावर होणार आहे.
