तळेरे (प्रतिनिधी) : कासार्डे-तांबळवाडी येथील श्री आवळेश्वर मंदिरात दि.२ व ३ मे रोजी विविध सांस्कृतिक व धार्मिक कार्यक्रमांचे आयोजन केले आहे. २ मे रोजी वाडीतील मुलाचे व महिलांचे विविध गुणदर्शनाचे कार्यक्रमाचे आयोजन करण्यात आले आहे. ३ मे रोजी श्री सत्यनारायण महापूजा तसेच, विविध कार्यक्रम होणार आहेत. सकाळी ९ वाजता अभिषेक, सत्यनारायण महापूजा व तीर्थप्रसाद, दुपारी १ ते ३ महाप्रसाद, ३ ते ५ वाजता महिलांसाठी हळदीकुंकू, संध्याकाळी ५ ते ८ स्थानिक भजने आणि रात्री ९ नंतर आमनेसामने तिरंगी भजनांचा जंगी सामना रंगणार आहे.श्री देवी सातेरी प्रासा. भजन मंडळ पावशी(कुडाळ) येथील बुवा अरुण घाडी व श्री काटेश्वर प्रासा. भजन मंडळ हरकुळ (बुद्रुक) येथील बुवा अभिषेक शिरसाट यांचा २०×२० डबलबारी भजनाचा जंगी सामना रंगणार आहे. या कार्यक्रमांचा लाभ घ्यावा, असे आवाहन आवळेश्वर देवस्थान कासार्डे तांबळवाडी यांनी केले आहे.
श्री आवळेश्वर मंदिर येथे २ व ३ मे रोजी विविध सांस्कृतिक व धार्मिक कार्यक्रमाचे आयोजन
