सिंधुदुर्ग जिल्हा ग्रंथालय संघाची श्री देवी सरस्वती वाचनालय चिंदरला मार्गदर्शक दौरातर्गत भेट
आचरा (प्रतिनिधी) : जिल्हा ग्रंथालय संघ सिंधुदुर्ग “मार्गदर्शन दौरा” उपक्रमांतर्गत जिल्हा भरातील विविध वाचनालय, ग्रंथालयांची भेट घेऊन, ग्रंथलयांच्या समस्या जाणून घेऊन मार्गदर्शन करत आहे. याचाच एक भाग म्हणून आज जिल्हा ग्रंथालय संघाच्या टीमने मालवण तालुक्यातील चिंदर येथील श्री देवी सरस्वती वाचनालय व ग्रंथसंग्रहालयाला भेट दिली.
यावेळी जिल्हा ग्रंथालय संघ अध्यक्ष मंगेश मस्के यांनी श्री देवी सरस्वती वाचनालय व ग्रंथ संग्रहालय कार्यकारिणीशी विविध विषयावर चर्चा करून मार्गदर्शन केले. वाचनालयाच्या वतीने अध्यक्ष प्रकाश मेस्त्री व कार्यवाह हेमांगी खोत यांनी उल्लेखनीय कामगिरी करणाऱ्या जिल्हा ग्रंथालय संघ अध्यक्ष मंगेश मस्के यांचा शाल, श्रीफळ देऊन गौरव करण्यात आला.
यावेळी जिल्हा ग्रंथालयाचे राजन पांचाळ, सतीश गावडे, महेश साळकर, श्री देवी सरस्वती वाचनालयाचे उपाध्यक्ष संतोष पाताडे, सहकार्यवाह सिद्धेश गोलतकर,
गाडगीळ वाचनालय त्रिंबकचे अध्यक्ष सुरेंद्र (अन्ना) सकपाळ, हिमाली अमरे, विवेक परब, गोपाळ चिंदरकर, रणजित दत्तदास, कवि भूषण दत्तदास, ग्रंथपाल सौ. स्वरा पालकर आदी उपस्थित होते.
