खा.संजय राऊत, माजी खा.विनायक राऊत, आ. वैभव नाईक , अरुण दुधवडकर, राष्ट्रवादी काँग्रेस शरद पवार, आप चे नेते राहणार उपस्थित
भगवती मंगल कार्यालयात होणार मेळावा आणि सभा
भव्य मोटरसायकल रॅली काढत भरणार उमेदवारी अर्ज
कणकवली (प्रतिनिधी) : शिवसेना उबाठा- महाविकास आघाडी चे कणकवली देवगड वैभववाडी मतदारसंघाचे उमेदवार संदेश पारकर हे उद्या 29 ऑक्टोबर रोजी सकाळी 11 वाजता मोठे शक्तिप्रदर्शन करत आपला उमेदवारी अर्ज दाखल करणार आहेत. उमेदवारी अर्ज दाखल करण्यापूर्वी भगवती मंगल कार्यालयात महाविकास आघाडीच्या कार्यकर्त्यांचा मेळावा होणार आहे.त्यांनतर मोटरसायकल रॅली द्वारे कणकवली तहसीलदार कार्यालयात संदेश पारकर आपला उमेदवारी अर्ज दाखल करणार आहेत. त्यानंतर कार्यकर्त्यांची सभा होणार आहे. उमेदवारी अर्ज दाखल करताना संदेश पारकर मोठे शक्तीप्रदर्शन करणार असून यानिमित्ताने महायुती विरोध शंखनाद करणार आहेत. संदेश पारकर यांच्या उमेदवारी मुळे शिवसेना उबाठा शिवसैनिकांमध्ये आणि महाविकास आघाडी च्या कार्यकर्त्यांमध्ये चैतन्य पसरले असून हजारोंच्या संख्येने उद्या कार्यकर्ते उपस्थित राहणार आहेत.
