कुडाळ ( अमोल गोसावी ) : कुडाळ शहरातील वॉर्ड क्र. १५ कुंभारवाडी प्रभागात मागील काही दिवसांपासून विजेच्या समस्या भेडसावत होत्या. यामध्ये प्रामुख्याने वॉर्डमध्ये विजेच्या तारा जीर्ण झाल्याने लोंबकळत होत्या. तसेच या वॉर्डमधील विजेचे खांब सुद्धा गंजलेले होते. याबाबत स्थानिक नगरसेवक उदय मांजरेकर यांनी महावितरणकडे याबाबत माहिती देऊन पाठपुरावा केला. याची महावितरणने सुद्धा तत्काळ दखल घेत कंत्राटी कर्मचाऱ्यांद्वारे वॉर्ड १५ मधील वीज समस्या मार्गी लावल्या. या वॉर्डमधील गंजजेले पोल आणि लोंबकळत असलेल्या विजेच्या तारा सुस्थितीत केल्या. अवघ्या काही दिवसांवर गणेशोत्सव आल्याने वॉर्डमधील वीज समया नगरसेवक उदय मांजरेकर यांनी मार्गी लावल्याने स्थानिकांनी त्यांचे आणि महावितरणचे आभार मानले आहेत.
