मसूरे (प्रतिनिधी) : क्रीडा व युवक कल्याण संचालनालय पुणे आणि जिल्हा क्रीडा अधिकारी कार्यालय सिंधुदुर्ग तसेच मालवण तालुका क्रीडा समिती यांच्यावतीने आयोजित केलेल्या सन 2024-25 या शैक्षणिक वर्षातील तालुकास्तरीय शालेय कॅरम स्पर्धेमध्ये मालवण तालुका उत्तर विभाग शिक्षण साहाय्यक समिती मुंबई, संचालित ओझर विद्या मंदिर कांदळगाव, तालुका मालवण, जिल्हा सिंधुदुर्ग ह्या प्रशालेतील कुमारी प्रांजली संजय कुंभार हिने 14 वर्षाखालील मुली या गटामध्ये सुयश प्राप्त केल्याने तिची निवड जिल्हा स्तरावरील स्पर्धेसाठी करण्यात आलेली आहे. या तिच्या यशामध्ये ओझर विद्या मंदिरचे क्रीडा शिक्षक व मार्गदर्शक प्रवीण पारकर व इतर शिक्षक यांचे बहुमोल मार्गदर्शन व सहकार्य लाभले. तिच्या यशाबद्दल ओझर विद्या मंदिर परिवारातर्फे संस्था अध्यक्ष शेखर अर्जुन राणे, जी. एस. परब, शालेय समिती अध्यक्ष किशोर नरे, प्रशालेचे मुख्याध्यापक डी. डी. जाधव यानी अभिनंदन केले आहे. तसेच प्रांजलीच्या पुढील स्पर्धेसाठी व वाटचालीसाठी शुभेच्छा देण्यात आल्या आहेत.
तालुकास्तरीय शालेय कॅरम स्पर्धेत ओझर विद्या मंदिरचे यश
