वैभववाडी पोलिस निरीक्षक सुनील अवसरमोल घटनास्थळी दाखल
वैभववाडी (प्रतिनिधी) : वैभववाडी बाजारपेठेत गेली ४० वर्षापासून स्टॉलमध्ये शिवणकाम करून कुटुंबाचा उदरनिर्वाह करताना स्टॉल हटाव मोहिमेमुळे माझ्यावर उपासमारीची वेळ आली तरी प्रशासनाने व्यवसायाकरिता स्टॉल लावण्याची परवानगी द्यावी अशी मागणी स्टॉल धारक अंजली एकनाथ शिवगण यांनी वैभववाडी मुख्याधिकारी यांच्याकडे निवेदनाद्वारे केली होती तरी अद्याप नगरपंचायत प्रशासनाने त्यांना पर्यायी जागा उपलब्ध करून न दिल्याने गेल्या काही दिवसांपासून त्यांनी पुन्हा नगरपंचायत जवळील फुटपाथ वर विनास्टॉल उघड्यावर शिलाई मशीन ठेवून त्या आपला व्यवसाय करित होत्या पावसामुळे उघड्यावर शिलाईकाम करणे अशक्य झाल्याने त्यांनी आपला स्टॉल पुन्हा फुटपाथ मांडून व्यवसाय करण्यास सुरुवात केली होती.
आज स्टॉल हटवण्यासंबंधी नगरपंचायत प्रशासन कारवाई करणार हे लक्षात येताच त्यांनी डिझेल अंगावर ओतून आत्मदहनाचा प्रयत्न केला सदर घटना समजतात वैभववाडी पोलीस घटनास्थळी दाखल झाले. पोलीस निरीक्षक सुनील अवसरमोल यांच्यासमोर अंजली शिवगण यांनी आपली कैफियत मांडली. अखेर पोलीस निरीक्षक सुनील अवसरमोल व त्यांच्या सहकार्यांनी अंजली शिवगण यांची समजूत काढत त्यांचे सांत्वन केले. व सदर घटनेवर तात्पुरता पडदा पडला. मात्र आता नगरपंचायत प्रशासन त्यांना पर्यायी जागा उपलब्ध करून देत त्यांचे पुनर्वसन करणार का..? याकडे सर्वांचे लक्ष लागून राहिले आहे.
यावेळी घटनास्थळी सर्व स्टॉल धारक व ग्रामस्थ यांची गर्दी जमली होती.
