तालुका अध्यक्ष दिलीप तळेकर व रवींद्र जठार यांच्या उपस्थित केला पक्ष प्रवेश
खारेपाटण (प्रतिनिधी) : कणकवली तालूक्यातील नडगिवे या गावात भाजप पक्षाने उबाठा शिवसेना या पक्षाला खिंडार पडले असून नडगिवे देऊळवाडी बूथ क्र.२०५ या गावातील उध्दव बाळासाहेब ठाकरे शिवसेना पक्षाच्या युवा सेना कार्यकर्त्यांनी आज सोमवारी भाजप तालुका अध्यक्ष दिलीप तळेकर व माजी जि.प.सदस्य रवींद्र उर्फ बाळा जठार यांच्या प्रमुख उपस्थितीत नडगिवे देऊळवाडी येथे भारतीय जनता पार्टी पक्षात जाहीर प्रवेश केला.
कणकवली देवगड व वैभववाडी विधानसभा मतदार संघाचे महायुतीचे उमेदवार आमदार नितेश राणे यांच्या प्रचारार्थ आज सोमवारी भाजप पक्षाचे वरिष्ठ कार्यकर्ते नडगिवे येथे आले होते. यावेळी नडगिवे देऊळवाडी येथील शिवसेना उबाठा पक्षाचे युवा कार्यकर्ते महेंद्र तांबे, विनोद मण्यार, अजय मण्यार, प्रवीण मण्यार यांनी उद्धव ठाकरे सेनेला राम राम करत भाजप पक्षात जाहीर प्रवेश केला.
यावेळी भाजप तालुका अध्यक्ष दिलीप तळेकर, माजी जि.प.सदस्य रवींद्र उर्फ बाळा जठार, खारेपाटण भाजप शक्ती केंद्र प्रमुख सूर्यकांत भालेकर, मोहन पगारे, नडगिवे उपसरपंच भूषण कांबळे, बूथ अध्यक्ष चंद्रकांत मण्यार, भाजप कार्यकर्ते अरुण कर्ले, किर्तीकांत जाधव आदी भाजप कार्यकर्ते उपस्थित होते.
यावेळी पक्ष प्रवेश केलेल्या शिवसेना उबाठा पक्षाच्या कार्यकर्त्यांचे भाजप पक्षात स्वागत करण्यात आले. तालुका अध्यक्ष दिलीप तळेकर व रविंद्र उर्फ बाळा जठार यांनी त्यांचे स्वागत केले.
