यानिमित्त विविध कार्यक्रमाचे आयोजन
खारेपाटण (प्रतिनिधी) : कणकवली तालुक्यातील नडगिवे या गावातील श्री गंगेश्र्वर पावणाईदेवी ग्रामस्थ मंडळ (रजि.) मुंबई,(नडगिवे) या मंडळाच्या वतीने श्री देव गांगेश्र्वर पावणाईदेवी मंदिराचा वर्धापन दीन कार्यक्रम उद्या शनिवार दि.१८ मे २०२४ रोजी सकाळी ११.०० वा. श्री गांगेश्वर मंदिर देऊळवाडी,नडगिवे येथे संपन्न होणार असून या निमित्ताने विविध कार्यक्रमाचे आयोजन करण्यात आले आहे.
श्री देव गांगेश्र्वर पावणाईदेवी मंदिराच्या ११ व्या वर्धापन दिनानिमित्त सकाळी ९.३० वाजता अभिषेक व श्री सत्यनारायणाची महापूजा,सकाळी ११.३० वाजता पालखी प्रदक्षिणा,दुपारी १.०० महाप्रसाद, सायं.३.३० महिलांसाठी हळदी कुंकू समारंभ व रात्री ९.०० वाजता डबलबारी भजनांचा जंगी सामना होणार असून प्रकाश पारकर बुवा (कासार्डे) व नंदादीप वंजारे बुवा (मुंबई ) हे रसिक प्रेक्षकांचे मनोरंजन करणार आहेत.
तरी या संपूर्ण कार्यक्रमास ग्रामस्थांनी मोठ्या संख्येने उपस्थित राहून सहकार्य करावे असे आवाहन
श्री गंगेश्र्वर पावणाईदेवी ग्रामस्थ मंडळ (रजि.) मुंबई,(नडगिवे) यांच्या वतीने करण्यात आले आहे.
