मागील 8 वर्षे संताजी रावराणे सातत्याने राबवताहेत उपक्रम
वैभववाडी (प्रतिनिधी) : आमदार नितेश राणे यांच्या वाढदिवसानिमित्त माजी नगरसेवक संताजी अरविंद रावराणे यांच्या संकल्पनेतून आणि सौजन्याने वैभववाडी तालुक्यात 10 वि आणि 12 वि परीक्षेतील गुणवंत विद्यार्थी आणि वैभववाडी शहरातील वायरमन यांचा विशेष सत्कार महाराणा प्रताप कलादालन हॉल वैभववाडी येथे करण्यात आला. माजी नगरसेवक संताजी रावराणे हे आमदार नितेश राणे यांच्या वाढदिवसानिमित्त मागील 8 वर्षे सातत्याने गुणवंत विद्यार्थी व वायरमन यांचा भेटवस्तू देत सन्मान करत आहेत. त्याचप्रमाणे यावर्षीही सर्व गुणवंत विद्यार्थ्यांना ब्रँडेड कंपनी चे स्मार्ट वॉच तसेच, दर्जेदार रेनकोट प्रदान करत त्यांचा सन्मान करण्यात आला. तसेच वैभववाडी शहरातील वायरमन नाही रेनकोट वाटप करण्यात आले.
यावेळी माजी पं स सभापती अरविंद रावराणे, भाजपा तालुकाध्यक्ष नासिर काझी, नगराध्यक्ष नेहा माईनकर, उपनगराध्यक्ष संजय सावंत, माजी जि प सदस्य सुधीर नकाशे, प्रमोद रावराणे, सुधीर नकाशे, नगरसेवक प्रदीप रावराणे आदी उपस्थित होते. वैभववाडी तालुक्यातीलइयत्ता 12वी कला शाखेतील सोनल संजय कोळेकर नेरले, यश बाबू शेळके, कृपा मंगेश सावंत, वाणिज्य शाखेतील प्रफुल्ल प्रवीण मोरे, शुभम दिलीप परब, वैष्णवी अनंत करवंजे, विज्ञान शाखेतील नीरजा प्रदीप मांजरेकर, हर्ष सुरेश सुतार, हर्ष श्रीकांत खाडे यांचा तसेच दहावीत गुणवंत विद्यार्थ्यांचा सत्कार करण्यात आला.
