तळेरे (प्रतिनिधी) : क्रीडा व युवक सेवा संचालनालय महाराष्ट्र राज्य, पुणे अंतर्गत जिल्हा क्रीडा परिषद पुणे व महाराष्ट्र राज्य ज्युदो असोसिएशन यांच्या संयुक्त विद्यमाने पुणे बालेवाडी येथे दि.१८ ते २० ऑक्टोबर रोजी आयोजित राज्यस्तरिय शालेय ज्यूदो स्पर्धेत १९ वर्षाखालील ४० किलो वजनी गटात कासार्डे माध्यमिक विद्यालयातील इयत्ता ९ वी ब मधील विद्यार्थी कु.शुभम सुरेश राठोड याने आपल्या उत्कृष्ट खेळीने कांस्य पदक पटकावले. त्याच्या या यशाने शाळेच्या शिरपेचात आणखी एक मानाचा तुरा रोवला गेला. त्याबद्दल कासार्डे विकास मंडळ, मुंबई कार्यकारिणीने त्याची दखल घेवून शुभमचे अभिनंदन करुन, मंडळातर्फे रोख रुपये ५००० चे पारितोषिक जाहिर केले आहे. त्याचे वितरण लवकरच करण्यात येईल अशी माहिती कासार्डे विकास मंडळ मुंबईचे अध्यक्ष मनोज शेलार, सरचिटणीस रोहिदास नकाशे व खजिनदार लक्ष्मण सावंत तसेच स्थानिक व्यवस्था समितीचे कार्याध्यक्ष संजय पाताडे यांनी दिली. याशिवाय सर्व मार्गदर्शक शिक्षकांचे कासार्डे विकास मंडळ, मुंबईच्यावतीने अभिनंदन करण्यात येत आहे.
शुभम राठोड
