खारेपाटण (प्रतिनिधी) : कणकवली तालुक्यातील खारेपाटण या गावातील जिल्हा परिषद पूर्ण प्राथमिक केंद्र शाळा खारेपाटण नं.१ शाळेची इयत्ता ५ वी मध्ये शिकणारी विद्यार्थिनी कु.देवयानी आनंद चौरे हिने नुकतीच केंद्रस्तरीय नवोदय परीक्षेत घवघवित यश संपादन केले असून, नुकताच तिचा केंद्र शाळा खारेपाटण नं.१ च्या वतीने शाळेचे उच्च श्रेणी मुख्याद्यापक प्रदीप श्रावणकर यांच्या शुभहस्ते पुष्पगुच्छ अभिनंदन व सत्कार करण्यात आला.
यावेळी शाळेच्या शिक्षिका श्रीम.रेखा लांघी, अलका मोरे, रुपाली पारकर, आरती जेजोन, अमृता ब्रम्हदंडे, अबीदा नाईक व शालेय विद्यार्थी उपस्थित होते. खारेपाटण केंद्र शाळेची विद्यार्थ्यांनी कु. देवयानी चौरे हिने नवोदय परीक्षेत यश मिळविल्या बद्दल तीची निवडी आता जवाहर नवोदय विद्यालय सांगेली, सावंतवाडी, जि. सिंधुदुर्ग येथे झाली असून तिच्या या यशाबादल तिचे सर्वत्र कौतुक व अभिनंदन केले जात आहे.
तसेच जवहर नवोदय केंद्र स्तरीय परीक्षेत चांगले गुण मिळवून यश प्राप्त केल्याबद्दल जि.प.केंद्र शाळा खारेपाटण नं.१ च्या शाळा व्यवस्थापन समितीच्या अध्यक्षा प्राप्ती कट्टी, माजी अध्यक्ष संतोष पाटणकर, गौरी शिंदे, उपाध्यक्ष आण्णा तेली, पालक शिक्षक संघाचे उपाध्यक्ष मंगेश ब्रम्हदंडे, माता पालक शिक्षक संघाच्या उपाध्यक्षा प्रियंका गुरव यांनी विशेष अभिनंदन केले आहे.
