फोंडाघाट (प्रतिनिधी) : ब्राम्हणेश्वर शैक्षणिक सामाजिक उन्नती मंडळ अंतर्गत कै. राजाराम मराठे कृषी महाविद्यालय फोंडाघाट येथील कृषी पदवीच्या अंतिम वर्षातील कृषी कन्या यांनी ग्रामीण कृषी जागरुकता व कृषी औदयोगिक कार्यानुभव कार्यक्रम अंतर्गत घोणसरी येथे जनावरांचे लसीकरण शिबीर आयोजित केले होते .
आपल्या भारतीय शेती क्षेत्रामध्ये पशूंचे असणारे महत्व लक्षात घेऊन त्या पशूंचे पावसाळा या ऋतुमध्ये विविध आजारांपासून संरक्षण करण्यासाठी तसेच त्यांचे आरोग्य व्यवस्थित राहण्यासाठी पशूंचे लसीकरण करून घेतले. तसेच त्या लसीकरणाच्या वेळी डॉ. तुषार वेर्लेकर यांनी पावसाळ्यात जनावरांच्या आरोग्याची काळजी कशी घ्यावी, विविध आजारांपासून प्रादुर्भाव कसा टाळावा याविषयी शेतकऱ्यांना मार्गदर्शन केले. सदर लसीकरण शिबिराला शेतकऱ्यांनी उत्स्फुर्त प्रतिसाद दिला.
सदर शिबिर व्यवस्थित पार पाडण्यासाठी घोणसरी ग्रामपंचायत सरपंच मॅक्सी पिंटो, उपसरपंच दिप्ती कारेकर आणि डॉ. तुषार वेर्लेकर आणि सहाय्यक दीपक शिंदे तसेच शेतकऱ्यांचे सहकार्य लाभले. या शिबिरामध्ये कै.राजाराम मराठे कृषी महाविद्यालय फोंडाघाट च्या कृषीकन्या दिप्ती पाटील, दिक्षा कांबळे, श्रीविद्या मांडीपाला, आर्या जंगम, कोमल ताड, साक्षी पाटील, वर्षा मायनमपाटी, हिमबिंदू मेकाला, यांनी परिश्रम घेतले. तसेच या शिबिरासाठी महाविद्यालयाचे प्राचार्य संते, कार्यक्रम समन्वयक मोटे एस. एस, शिर्के पी.एस यांचे मार्गदर्शन लाभले.
