चौके (प्रतिनिधी) : चौके येथील जेष्ठ भजनीबुवा तसेच प्रतिष्ठित नागरिक शशिकांत गोविंद गावडे (वय 79) यांचे सोमवारी सकाळी अल्पशा आजाराने निधन झाले.
शशिकांत गावडे हे पंचक्रोशीत शशी काका या नावाने ओळखले जात. भजनी बुवा म्हणूनही ते प्रसिद्ध होते, तसेच दशावतारी नाटकप्रेमी ही होते. त्यांच्या पश्चात पत्नी तीन मुलगे, मुली, भाऊ, सुना, नातवंडे असा मोठा परिवार होता. चौके गावचे माजी सरपंच तथा विद्यमान ग्रामपंचायत सदस्य राजन उर्फ राजा गावडे तसेच चिरेखाण व्यावसायिक भाई गावडे, शैलेश गावडे यांचे ते वडील होते.
सोमवारी सकाळी चौके येथील स्मशानभूमीत त्यांच्यावर अंत्यसंस्कार करण्यात आले यावेळी राजकीय पक्षाचे पदाधिकारी कार्यकर्ते व पंचक्रोशीतील ग्रामस्थ मोठ्या संख्येने उपस्थित होते. चौके बाजारपेठ बंद ठेवून शशिकांत गावडे यांना श्रद्धांजली वाहण्यात आली.
